الرئيسية > آراء > بحال رهف القنون كيسميوهم فالمغرب الهاربات، البنات لي كيهربو من ديورهم خوفا من إنتقام الأسرة بسباب علاقة جنسية دارتها أو إختلاف في الأفكار والمعتقد أو زوج معد سلفا ماقبلاتش بيه
14/01/2019 12:00 آراء

بحال رهف القنون كيسميوهم فالمغرب الهاربات، البنات لي كيهربو من ديورهم خوفا من إنتقام الأسرة بسباب علاقة جنسية دارتها أو إختلاف في الأفكار والمعتقد أو زوج معد سلفا ماقبلاتش بيه

بحال رهف القنون كيسميوهم فالمغرب الهاربات، البنات لي كيهربو من ديورهم خوفا من إنتقام الأسرة بسباب علاقة جنسية دارتها أو إختلاف في الأفكار والمعتقد أو زوج معد سلفا ماقبلاتش بيه

محمد سقراط – كود//

لبارح وصلات رهف القنون السعودية لي هربات من دارهم وعرضات عليها كندا اللجوء وإستقبلوها بالجنسية ومن النهار اللول عتابروها مواطنة كندية شجاعة، وطبعا عندهم الحق، أي مرأة أو الراجل حاولو يهربوا من بلادهم بسباب القمع أو الميزيرية أو السلطة الذكورية والأبوية فراه ناس عندهم الشجاعة بحال الحراكة المغاربة والأفارقة وكاع الجنسيات لي كيغامرو بحياتهم من أجل مستقبل أفضل، بحال كيما دارت رهف ولي القضية ديالها خدات بعد عالمي لأنها تحدات نظام الولاية وتحدات الاعراف والتقاليد والقوانين ديال السعودية، وبينات بلي أن العديد من النساء السعوديات هوما محبوسات وأسيرات عند الأسر ديالهم، وأنهم الى كانت عندهم فرصة فراه غادي يهربو، خصوصا لي عتانقوا أفكار مختالفة على الجامعة تما ( وهنا).

بحال رهف القنون كيسميوهم فالمغرب الهاربات، البنات لي كيهربو من ديورهم خوفا من إنتقام الأسرة بسباب علاقة جنسية دارتها أو إختلاف في الأفكار والمعتقد أو زوج معد سلفا ماقبلاتش بيه، وبزاف منهم كيكونوا هاربين من أسر مقودة عليها، كتلى بيهم الوقت فالمحطات ديال الترانات والكيران، فين كاينين دراري مختصين بالسمير على الهاربات، هادوك البراهش لي كيكونوا كيدورو فالمحطات كيبيعو لقراعي ديال لما هوما لي كيجيبو خبارهم للدراري، وهادي هي حرفتهم بنادم مقاد الحالة كيبيت الهاربة شي سيمانة ولي فالغالب كتكون بنت مايحلمش بيها، وإيما تعيى وترجع لدارهم أو يدخلها لمجال الدعارة وتبقى تقحب وتصرف عليه وهو مدور السمطة غي هاكاك.

هادو بنات حتى هوما واقع ليهم بحال رهف القنون، المشكل ديالهم أنهم معندهمش فلوس الطيارة ومعندهمش تويتر، وبلادهم ممضارباش مع كندا باش تجي تحرجها بحقوق الإنسان، وموشكيلتهم أنهم مواطنات بلاد أصلا كيهربو منها الناس بالألاف سنويا، ومشتتين فكاع العالم، هاعلاش هاربة مغربية آخرتها غادي تساليها فشي برتوش وتولي معيورة، وهاربة سعودية غادي تستقبلها وزيرة كندية وتاخد الجنسية واللجوء مع الدخلة.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه