الرئيسية > كود سبور > بتألق رانية الصنهاجي اللي ماركات جوج بيوت.. لبؤات الأطلس ربحو مرة خرى المنتخب المالي ب3-2 – تصاور
14/06/2021 22:00 كود سبور

بتألق رانية الصنهاجي اللي ماركات جوج بيوت.. لبؤات الأطلس ربحو مرة خرى المنتخب المالي ب3-2 – تصاور

بتألق رانية الصنهاجي اللي ماركات جوج بيوت.. لبؤات الأطلس ربحو مرة خرى المنتخب المالي ب3-2 – تصاور

عفراء علوي محمدي- كود//

للمرة الثانية على التوالي، ربح المنتخب المغربي النسوي ماتش آميكال ضد المنتخب المالي، اليوم الاثنين، ب3 أهداف مقابل جوج بيوتا، بعدما كان ربح ضد مالي ب3 لزيرو الخميس اللي فات.

الماتش ديال اليوم تلعب فتيران مولاي الحسن فالرباط، وبدا بتسجيل المالية ساكو أميناطا هدف فمرماها فالدقيقة 12، باش تسجل موياها المغربية رانيا الصنهاجي الهدف الثاني فالدقيقة 14.


وأول هدف للماليات كان فالدقيقة 28، سجلاتو توري باسيلا، تبعو مباشرة هدف ثالث لرانيا الصنهاجي مرة أخرى، وهكذا تألقات اللاعبة المغربية بتوقيع جوج أهداف زعزعات بيهم شباك الماليات.

المنتخب المالي قدر يقلص الفارق، ويسجل الهدف الثاني بكرة ثابتة فالدقيقة 43، لكن ماقدرش يوصل للتعادل من بعد ما دازت الجولة الثانية من المباراة بدون أهداف، مع استحواذ ملحوظ على الكرة من طرف لبؤات الأطلس.

التشكيلة الرئيسية اللي اعتمد المدرب راينود بريدوس اليوم تكونات من زهرة تشيزمان، زصباح صغير، وغزلان شباك، ولينا شبان، ورانيا الصنهاجي، وفاطمة تكناوت، ورقية مزراوي، وغزلان شهري، وساميا حسني، وحنان آيت الحاج، وياسمينة لعروسي. كيف اعتمد المدرب بزاف على الشونجون فالشمط الثاني.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها