كود  ـ الرباط//

مصطفى بايتاس، الناطق الرسمي باسم الحكومة، مبغاش يعطي تعليق على التصريحات ديال النعم ميارة الكاتب العام للاتحاد العام للشغالين بالمغرب، ورئيس مجلس المستشارين، واللي هجم فيها على الحكومة لدرجة لمح بلي كتكذب على المغاربة، وقال بأن الأسعار لي فالتلفازة ماشي هي اللي فالواقع ودعا لاعتقال المضاربين فالاسعار.

وأوضح بايتاس اليوم خلال الندوة الصحافية عقب المجلس الحكومي، “هذا موضوع لا يهم الحكومة، ويهم الأغلبية، وغاتناقشو وتعطي فيه توضيحات”.

دبا علامن يضحك بايتاس، راه ميارة واحد فيكم وحزب الاستقلال فالحكومة، وهاجم الحكومة لدرجة أنه شكك فالإجراءات وقال للحكومة: “كاضبطو الأسعار غير فالتلفزة”. وزاد كثر :”خاص الإجراءات تكون فالواقع ماشي فالتلفزة”.