يونس أفطيط – كود//
بنشماش لي كان من معتقلي سنوات الرصاص، ودوز الحبس وموراه عرف الزلط مزيان، رجع من الاغنياء اللي عليهم علامة استفهام كبرى سيما أنه ماعندوش شي تجارة، أو رجل أعمال تبين منين كاتجيه لفلوس.
“كود” توصلت بوثائق ديال عملية شراء أرض فوسط مدينة أجدير، من طرف بنات بنشماش وزوجته واللي شراوها من عند واحد السيدة، وهاد الارض لي كاينا في أجدير مساحتها تبلغ 250 متر مربع، وفنفس اليوم تنازلت الام عن حضتها لبناتها حسب الوثائق.
هاد الارض لي تبنات عليها فيلا مباشرة بعدما تشرات بمبلغ يقارب أربعين مليون سنتيم، تأتي بعد القصر اللي كيملكوا بنشماش واللي أثار ضجة كبيرة سابقا، سيما وأن هاد القصر كيتقدر بمبلغ خيالي ميقدروش يشريوه حتى رجال أعمال.