الرئيسية > آراء > بالنسبة ليا الترحم على القرضاوي هو إشادة بالإرهاب وقتل وذبح الأبرياء وإشادة بتدميرالأوطان وتقسيمها وتشريد مواطينيها، وإشادة بدعم الحركات الجهادية، و فيه إهانة وقلة إحترام للشهداء المغاربة لي ماتوا بسباب الإرهاب المتشدد لي كان القرضاوي أحد الدعاة إليه
28/09/2022 12:00 آراء

بالنسبة ليا الترحم على القرضاوي هو إشادة بالإرهاب وقتل وذبح الأبرياء وإشادة بتدميرالأوطان وتقسيمها وتشريد مواطينيها، وإشادة بدعم الحركات الجهادية، و فيه إهانة وقلة إحترام للشهداء المغاربة لي ماتوا بسباب الإرهاب المتشدد لي كان القرضاوي أحد الدعاة إليه

بالنسبة ليا الترحم على القرضاوي هو إشادة بالإرهاب وقتل وذبح الأبرياء وإشادة بتدميرالأوطان وتقسيمها وتشريد مواطينيها، وإشادة بدعم الحركات الجهادية، و فيه إهانة وقلة إحترام للشهداء المغاربة لي ماتوا بسباب الإرهاب المتشدد لي كان القرضاوي أحد الدعاة إليه

محمد سقراط-كود///

بالنسبة ليا الترحم على القرضاوي هو إشادة بالإرهاب وقتل وذبح الأبرياء وإشادة بتدمير الأوطان وتقسيمها وتشريد مواطينيها في العالم، وإشادة بدعم الحركات الجهادية، والترحم على القرضاوي فيه إهانة وقلة إحترام للشهداء المغاربة والأجانب لي ماتوا بسباب الإرهاب المتشدد لي كان القرضاوي أحد الدعاة إليه وأحد رواده، وهذا ماشي تجني القرضاوي راه كاين في قائمة الإرهاب ديال السعودية حنا كمغاربة ماغاديش نفهمو بحال خادم الحرمين الشريفين في التمييز بين المسلم الذي سلم الناس من أذاه والمسلم الإرهابي، القرضاوي عندو فتاوى يجيز فيها تفجير الإرهابي لنفسه شرط التشاور مع الجماعة قاليك، وعندو فتاوى وفيديوات يدعو فيها للقتال في سوريا لي بسبابو تيتموا أطفال من المغرب، وأمهات تفجعوا في ولادهم لي مشاو ليهم لسوريا قتلوا وذبحوا السوريين تما، وبسبابوا ضعت أنا في ولد خالتي لي مات في سوريا بسبب دعاوى الجهاد.

القرضاوي في قناة الجزيرة سولو المذيع هل يجوز في الحالة السورية خاصة تفجير نفسه ايستهدف تجمع للنظام ولو نتج عنه خسائر في صفوف المدنيين؟ وسي القرضاوي لي كيتحرموات عليه المغاربة البسيكوباط راه أفتى بجواز تفجير المسلم نفسه واخا يموتوا أبرياء المهم هو الإستشارة مع الجماعة وراه كاين فيديو غير قلبوا عليه، وماشي هادي الفتوى الإرهابية الوحيدة ديالو خونا كان متخصص في تبرير القتل والذبح والتفجير وفي نفس الوقت إدعاء الوسطية والإعتدال والعالم كامل عارف ألا وسطية وإعتدال في الشرق وخصوصا الجزيرة، الوسطية والإعتدال بلاصتها الوحيدة في العالم الإسلامي هي المغرب، والسعودية مع بن سلمان تجاوزات الوسطية وغادا للإنفتاح والحضارة وغادي تسيفط رائدة فضاء للفضاء العام الجاي سنوات قليلة فقط بعد طلق البيرمي للعيالات.

القرضاوي عندو فيديو كيقول فيه حرفيا أي واحد خرج في مسيرة ولا مظاهرة ضد الحاكم الشرعي مرسي وجب قتله، وجاب الحديث الذي يبيح ذلك، وطبعا راه الموشكيل ماشي في القرضاوي الموشكيل في النصوص المتشددة لي عامرة أحاديث ديال القتل والتنكيل والإبادة الجماعية، أما القرضاوي راه غير متبع النصوص وآش جابت بحالو بحال داعش والنصرة والقاعدة وكاع الحركات الإسلامية المتشددة، الموشكيل هنا هو في المغاربة لي كيترحموا عليه وفي نفس الوقت كتلقاهم ضد داعش والقاعدة والنصرة وداك الهدرة ديال داعش لا تمثل الإسلام، وواش بغيتونا نوليو بحال سوريا، راه سوريا ولات في هاد الحالة بسباب القرضاوي وأشباهه شدو معانا الخط، راه الترحم على القرضاوي تمجيد لداعش وأخواتها.

موضوعات أخرى

19/03/2024 10:30

إل موندو: اسبانيا ما بغاتش تستأنف قرار تبديل الجنسية الرياضية ديال دياز احتراما منها لرغبة اللاعب (وثيقة)

19/03/2024 10:27

بتصاور ..الجدارمية د بسيدي رحال حجزو 3 دالسطافيطات فيهم 15طن ديال الحشيش وزودياكات

19/03/2024 10:12

أرقام رسمية كتصدم على الخدمة فبلادنا.. 49,9 فالمية من النشيطين المشتغلين معندهوم حتى شي شهادة

19/03/2024 10:00

تيار كازا فالبام داير روينة فالأغلبية… صديق سعيد الناصري بغا رئاسة مجلس النواب: واش هادي مناورة من المنصوري باش تفاوض على التعديل الحكومي ولا انقلاب جديد داخل التحالف الحكومي ولا باش يبلوكيو مدونة الأخلاق لي غادي تحيد مناصب للبرلمانيين ديالهم لي عندهم متابعات فالمحاكم

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري