نجوى المالحي-كود//
احتفلت هند الزوجة المغربية ديال مانع سعيد العتيبة، واحد من الأسماء لي ضاربة في الإمارات، بعيد ميلادها في قصرها الخاص في نواحي مراكش.
مرات مانع العتيبة المستشار السابق لرئيس دولة الإمارات ووزير البترول السابق نشرت تصاور ديال الهدايا والاحتفالات لي دارهم ليها راجلها، على صفحة كتحمل اسم بنتها الشيخة موزة على أنستكَرام.
وطبعا هند مشهورة وسط الفنانين المغاربة لي كيحييو حفلات في القصر ديالها نواحي مراكش، منهم حليمة العلوي لي دارت ليها إهداء خاص في برنامج في القناة الوطنية.
العتيبة گالس عند هند في المغرب، واخا عندو ولادو في الإمارات وواحد فيهم هو يوسف العتيبة ولد الزوجة المصرية، وهو سفير الإمارات في أمريكا.
