كريم الشركي-كود///

هاجم وزير الخارجية السابق خوسيه غارسيا مارغايو، المغرب وعتابرو كيبتز اسبانيا، وذلك خلال مداخلة ليه فبرنامج “ان سيرادوس”.

مارغايو قال أن المغرب كلما ماعجبوش الحال من شي موقف دالصبليون كينوض يبتز اسبانيا بملف الهجرة وكيطلق يديه على المهاجرين اللي كيبداو يخرجو من السواحل المغربية بكل حرية.

مارغايو هضر على حادثة ايقاف يخت الملك حدا سبتة واللي موراها هجمو الافارقة على المدينة المحتلة، وهضر ايضا على واقعة لقاء اعضاء من بوديموس مع جبهة البوليساريو، وموراها المغرب خنق سبتة اقتصاديا.

طبعا مارغايو كان الهدف ديالو أنه يهاجم حكومة الاشتراكيين وصافي ويبينها أنها كتخضع لابتزاز المغرب، ويبين أن المغرب كان كيبتز حتى حكومة الحزب الشعبي لي كينتمي ليها، ولكن الشعبيين زعما وقفو للمغرب اكثر من الاشتراكيين.