كود – وكالات//
تداولو نشطاء على مواقع التواصل الاجتماعي، فيديو كيوثق لحظة اقتحام البوليس لكاتدرائية نوتردام فمدينة نيس الفرنسية، وإطلاق الرصاص على الإرهابي اللي قتل 3 ديال الناس وسط الكنيسة.
كود – وكالات//
تداولو نشطاء على مواقع التواصل الاجتماعي، فيديو كيوثق لحظة اقتحام البوليس لكاتدرائية نوتردام فمدينة نيس الفرنسية، وإطلاق الرصاص على الإرهابي اللي قتل 3 ديال الناس وسط الكنيسة.
الجاني التونسي اللي سميتو ابراهيم عوساوي، فعمرو 21 عام، وجا لفرانسا عن طريق جزيرة لامبيدوسا الإيطالية فشهر شتنبر للي فات.
الفاعل ذبح 3 دالناس، منهم 2 عيالات، وحدة فيهم فصل ليها راسها على الجسد ديالها، ولخرى هربات منو ومشات تخبات فبار قريب، لكن نزفات بزاف وتوفات.
من بعد العمل الإرهابي اللي دار، التونسي روع الناس اللي فالكنيسة والمارة مرددا “الله أكبر”، وجرح بزاف منهم، قبل ما يوقفوه البوليس عند حدو ويضربوه بالقرطاس، وهكذا قدرو يقيسوه فكتفو ويحيدو ليه السلاح الابيض اللي هاز.
وحاليا المتهم فالسبيطار كيتلقى العلاج، والحالة ديالو مستقرة، فانتظار يتعافا ويتقدم للعدالة.