اسماء غربي – كود//
البوب سطار المغربي سعد لمجرد، جاي اليوم الخميس للمغرب، لأول مرة من هادي دابا اكثر من عام.
وقال لمجرد انه راجع للمغرب اليوم في فيديو حطو في الستوري على حسابو الرسمي في انستگرام، لبارح الأربعاء، وكتب عليه: “غدا إن شاء الله نجي لبلادي في زيارة”.
مازال ماعرفينش كيفاش قدر لمجرد يجي للمغرب، وغاتكون فغالب الاحيان السلطات الفرنسية سمحات ليه بمغادرة فرنسا بشكل مؤقت، حيت كانت مانعاه من مغادرة التراب الفرنسي، بعد اتهامو في جوج قضايا الاعتداء الجنسي.
