أحمد راشيد كود ////
البارح الخميس 25 دجنبر بدأ التطبيق الفعلي ديال المخالفة لمن يقطع الشارع خارج ممر الراجلين وقدرها 25 درهم، وبداو الناس تيتصدمو فاش تيوقفهوم شرطي ويقول ليهوم عندكوم مخالفة لأنكم مقطعتوش من ممر راجلين.

موقع “كود” سول الناس والأجوبة كانت من موافقة للقانون واعتبروه الحل المثالي باش ميبقاوش الحوادث والمشاكل الطرقية ولتأمين الراجلين، والبعض عارض الفكرة لأنه هذ القانون ماشي مهم مقارنة مع قوانين خاصها دار او خاص يتعجل بتنزيلها وتطبيقها.

وكاين لي قال أنه الطرقان كاع مكينينش وخاص بنية تحتية أولا وقبل كل شيئ، و25 درهم خلات ناس تتساءل واش قاد المواطن يخلصها، خاصة أن البطالة طالعة وبنادم يا الله تيتقاتل باش يدوز نهار.
وعلق أحد المواطنين خاص الدولة يلسقو لينا بلايك لور باش يبقاو حاضينا، والأخر قال يديرو ممر راجلين عاد نشوفو واش يتطبق هذ القانون.