19/03/2024 13:11
أرقام رسمية.. غير 29,3 فالمية من المشتغلين اللي عندهوم التغطية الصحية واكثر من نصف المستأجرين معندهومش كونطرة عمل
كود كازا//
عبد الرزاق فتوح شاب من قلعة السراغنة، جا لكازا يقلب على رزقو، باش يجمع الفلوس ويهاجر لأوروبا، بحال الأخ ديالو.
عبد الرزاق فاش كان مزال كيقرا في التاسعة نجح ونقاطع عن الدراسة، العام الأول ديالو بقا غير كالس، من بعد جابو الأب ديالو لكازا وعلمو البيع والشرا، ومشا وخلاه كيبيع “الهندية” و “طايب وهاري” و”العصير”… حسب الموسم.
واضاف عبد الرزاق في حديثه مع “كود”: هاد الخدمة لي خدام عايش بيها ومعيش واليديا، واكد أن فالمستقبل ديالو ماكيشوفوش راسو فهاد الخدمة لذلك قال انه كيجمع الصرف باش يهاجر للخارج، لأنه أي واحد كيبغي يعيش عيشة زوينة ويدير الدار والوليدات، وخا ماكرهش خدمة فبلادو بوراقها، بلا مايخرج للهيه.