عساكرية من مالي والنيحر شاركو مع البوليساريو فتمرين دارتو دزاير (تصاور)
علي الصافي كود ///
تأهل أسود الأطلس لكأس العالم روسيا الصيف الجاي فرح الشعب المغربي والعرب كاملين وهادشي بان فمواقع التواصل الإجتماعي ورسائل القادة وغيرهم. لكن كاينة فئة ماكتبغيناش نفرحو بإنجاز وطني وتحاول دائما دخل السياسة فكولشي بحال بوليساريو الداخل والعيون.
ناس العيون خرجو عن بكرة أبيهم يحتافلو في الشوارع الرئيسية ديال العيون هزو الأعلام الوطنية ورددوا النشيد الوطني. غير أن البوليساريو حاقدين علينا ماشي غير فالسياسة ولكن حتى فالكورة. خرجو للشارع وبداو تيشرو بالحجر على المحتفلين قرب حي الإنعاش ويهددوهم لولا تدخل المصالح الأمنية لي رجعات الطمأنينة والأمان للحي.
هاد الناس كيقولو بأنهم ما عندهمش المشكل مع الشعب المغربي كيف كيقولو. لكن كراهيتهم فرشاتهم وخلاتهم يتعداو على النساء والأطفال لي حتافلو برونار وبنعطية وصحابو.
هادشي ماشي حقاش حاقدين علينا وصافي. لكن لي زادهم أن المنتخب الجزائري لي كيشجعو ما تأهلش لكأس العالم وإلا كانو خرجو يحتافلو بيه.