الرئيسية > آش واقع > بالفيديو. برلمانية أوربية: المغرب منعنا من الدخول من مليلية باش نحققو فأحداث وفاة 23 مهاجر
20/09/2022 20:30 آش واقع

بالفيديو. برلمانية أوربية: المغرب منعنا من الدخول من مليلية باش نحققو فأحداث وفاة 23 مهاجر

بالفيديو. برلمانية أوربية: المغرب منعنا من الدخول من مليلية باش نحققو فأحداث وفاة 23 مهاجر

كود الرباط//

قالت “Corlina ERNST “، عضوة فالبرلمان الأوروبي انهم كيبحثو فالحدث ديال 24 يونيو، فاش مات 23 شخص وتصابو بزاف فالحدود بين المغرب ومليلة.

وأضافت كورلينا لي هي برلمانية يسارية من المانيا، أنه لحد ساعة مزال ماكاين حتى شي توضيح على هادشي.

وتابعت بالقول “انهم فمهمة تحقيقة ومشاو من اسبانية ودازو للجانب المغربي على رجليهم ولكن مخلاوهومش السلطات المغربية بلا حتى شي تفسير ولا تبرير، وهادشي وصفاتو ب”فضيحة”.

وشددت البرلمانية باللي غيوضحو هادشي وانه كاين مشكل حيث ميقدروش يهدرو مع “NGOs” (منظمات غير حكومية) ، ولكن مغاديش نستسلمو وغنوصلو هادشي للبرلمان الأوروبي وغيتطرح هاد الحدث فالبرلمان” على حد تعبيرها.

وقال مصدر مسؤول تعليقا على الخبر الذي نشرته “گود” حول منع وفد أوروبي مكون من 12 برلمانيا من دخول الأراضي المغربي، والذي جاء في إطار لجنة تقصي الحقائق شكلها البرلماني للتحقيق في أحداث مليلية التي راج ضحيتها 23 مهاجرا قاموا باقتحام السياج الحدودي لهذه المدينة، بانه “قرار سيادي”.

وأضاف مصدر رسمي إن اللجنة التي كونها اليسار الراديكالي داخل البرلماني غير قانونية ولا يمكن القبول بها لأن المسالة تتعلق بسيادة دولة لها مؤسساتها، ولا يمكن السماح بأي طرف خارجي التحقيق في أمر حدث داخل الوطن، مع العلم ان المؤسسات الرسمية بالمغرب قامت بالتحقيقات اللازمة واماطت اللثام عن الأحداث التي وقعت في مليلية.

 

 

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم