كـود : مكتب الرباط///
لفضيحة ديال توقيف مؤسسة حركة “مالي” إبتسام لشكر وصديقها إسماعيل بكار من أمن الرباط، يوم الجمعة الماضي، غادية وكتكبر شويا بشويا وغادي تشوهنا دوليا فهاد الايام.. إبتسام كشفت لـ”كود” عن تفاصيل صادمة عاشتها رفقة صديقها داخل الكومسيارية قبل الإفراج عنها بعد يومين من الاعتقال.
وقالت ابتسام لـ”كود”: “مكاين لا سكر ولا والو. كل ما في الأمر هو ان ديك مولات لمنادل شكات أن صديقي إسماعيل صورها وسط الشارع بعدما توجهنا عندها لكي نسألها عن وضعية طفلتها الصغيرة التي تتجول وحيدة في ساعات متأخرة من الليل وبالقرب من السيارات”، يعني ابتسام كانت باغية تعطف عليها وصافي لكن الأمور تطورت وها كيفاش وفق روايتها.
هي هاديك، تضيف ابتسام لـ”كود”: مني دخلنا فمناوشات مع ديك السيدة تجمعو الناس وواحد السيد اتصلت بالبوليس وجاو بالزربة لكن طالبونا باش نمشيو معاهوم للكومسارية قبل أن نتفاجئ بوضعنا رهن الحراسة النظرية من أجل “السكر العلني وإهانة موظفيين عموميين ولاعتداء على أحدهم”، لكن حسب ابتسام هادشي مكاينش بصفة نهائية بل الحقيقية هي أن البوليس تعداو عليا وعلى صديقي ووصل بهم الحد باش يجي واحد عندي وحيد ليا الصاية ديالي وحشا يديو لداخل باش ياخد ليا الهاتف وقاليا: انا شفت لك الطبو… ديالك”. حسب ما كشفت عنه ابتسام لـ”كود”.