كود كازا//

نايضة في تونس بعدما تعرى ممثل سوري سميتو حسين مرعى، وبقى زبط كيما ولداتو مو قدام الناس لي جاو يتفرجو في المسرحية ديالو عنوانها “يا كبير”.

السوري لي لاجئ في ألمانيا، كان ضيف في مهرجان أيام قرطاج المسرحي، وملي كان كيمثل المسرحية، بقا كينصل في حوايجو حتى بقى عريان.

بعض الناس المحافظين، واخا عندهم مع المسرح، لكن جاهم داكشي غير مقبول، وناض الجدل.

مدة العرض ديال المسرحية كان هو ساعة و15 دقيقة، السيد قال للمسؤولين ان فالمسرحية غادي يبقى لابس الكيلوط لكن بدل رأيو فآخر لحظة فوق الخشبة وبقا زبط.