كود الرباط //
جانب آخر من احداث مليلية المأساوية لي ماتو فيها 23 حراگ، بانت بالصور والأدلة المادية بحيث كشفات الصور حجم العنف لي دايرين الحراگة باش يقتحمو حدود مليلية.
هادشي لي وقع الجمعة لي فاتت، بين بلي الوضع كان صعيب خصوصا وأن الحراگة مسلحين بأدوات حادة والعصي والحجر. هادشي خلا الوضع يتأزم.
الأحداث عرفات جدل حقوقي، وحاليا المجلس الوطني لحقوق الإنسان غايدير مهمة استطلاعية للمعبر الحدودي ويوقف على وضعية المهاجرين غير الشرعيين بالمنطقة.
تزامن مع هاد الأحداث، طالبات المعارضة البرلمانية من رئيس الحكومة يكشف حقيقة الوضع وشنو الإجراءات لي غادي دير الحكومة باش تفكك المخيمات ديال المهاجرين ف الشمال.
