كود كازا ///
لجنة بنموسى المكلفة بالنموذج التنموي كانت اليوم السبت بجامعة ابي شعيب الدكالي بالجديدة. مشاو اعضاء نهار السبت باش يتلاقاو طلبة تم اختيارهم مسبقلا. طبعا هاد النهار ما كايناش لقراية وتفكو من طلبة العدل والاحسان اللي محيحين فهاد الجامعة.
اللي زوين بهاد اللقاء هو طريقة لقاء اعضاء هاد اللجنة بهاد الطبلة. دارو بحال الحلقيات كل عضو مجموع مع عدد من الطلبة وكيسمعو لمشاكلهم لكثيرة. اللجنة وقفات على مغرب بلا زواق. المغرب العميق اللي اعضاء من هاد اللجنة ما كيعرفو عليه والو. يمكن كيشوفوه غير فالتصاور وصافي.
صور زوينة لادريس جطو كيسمع ولاحمد رضى الشامي كيسمع ولاعضاء اخرين كيسجلو مشاكل احلام هاد الطلبة. مشاكلهم مع الطوبيس مع الدراسة مع العمل مع كلشي. صور كتبين حتى فالشكل الفرق بين اعضاء هاد اللجنة وبين طلبة هاد المغرب.
بعد هاد اللقاء السيمانا الجاية غادية تلقي اللجنة صحاب اللعاقة. اللسان غادي يكون كيتكلم بنفس لغة اعضاء هاد اللجنة.
