مصطفى الشاذلي – كود سبور//

أجواء احتفالية سبقات الماتش ديال المنتخب المحلي ونظيره الجزائري اليوم السبت بالملعب البلدي في بركان برسم الدور الحاسم من التصفيات الإفريقية المؤهلة إلى نهائيات كأس إفريقيا للأمم 2020.

اهازيج فلكورية حاضرة فالماتش والمشجع الظالمي دخل هو الأول من فرقتو، باش يشجعوا “لكيب ناسيونال” وفرقة الركادة حتا هي كاينة.

اما الجمهور فجا من مختلف المناطق المجاورة لبركان، الكل كيهتف بالمنتخب واللاعبين والتيران عمر من السبعة، باستثناء المدرجات المخصصة للجمهور الجزائري.

مسؤولو الجامعة والاتحاد الجزائري وممثلي السلطات المحلية والمنتخبة حاضرين حتا هوما.
الطاقة الاستيعابية للملعب البلدي ما كفاتش عدد الجمهور، لي باغي يشوف هاد الماتش، بزاف ديال المشجعين بقاو برا.

الأمن داير خدمتو فبركان منظم عملية الدخول بالشكل المطلوب، الجميع باغي ينجح هاد الماتش. البوليس جا حتا هو من مختلف المدن المجاورة.

المدرب الحسين عموتة دار تغييرات بسيطة على التشكيلة، بعد إشراك كريم البركاوي وإسماعيل الحداد أساسيين. وها التشكيلة باش دخل المنتخب المحلي.

أنس الزنيتي وعمر النمساوي وبدر بانون وسفيان بوفتيني ومحمد الناهيري ويحيى جبران والعربي الناجي ووليد الكرتي وحميد أحداد وكريم البركاوي واسماعيل الحداد.

المنتخب المحلي سبق لي ارجع بتعادل زيرو لزيرو من ملعب مصطفى تشاكر في البليدة فشتنبر الماضي في إ باب هذه المسابقة.