18/04/2024 16:30
قضاة العدوي ومفتشية الإدارة الترابية دخلوا على خط شبهة التلاعب فالصفقات العمومية بولاية جهة فاس مكناس
كود احمد الطيب ////
الملك محمد السادس طلب من رئيس الحكومة يجيب ليه كفاءات. الملك عارف ونبعرفة عارف باللي ما عندوش. هاداك الشي اللي عطاه حزبو هو اللي قدمو ليه. من غير هاد الشي غير هدرة وصافي. بنعرفة وحزبو العدالة والتنمية ما عندهمش الاطر القافزة. فاحزاب اخرى غادي يقلبو علي اطر ويصبغوها.
ولكن قبل هاد الدخول السياسي اللي غادي يتم تعيين لجنة مكلفة باعداد تصور جديد للمشروع التنموي للمغرب خاص تكون اشارات على الرغبة فخلق جيل جديد.
اليوم نهدرو غير علي الاعلام. تصورو رئيس مدير عام “الشركة الوطنية للاذاعة التلفزيون” اسمه فيصل لعرايشي فبلاصتو اشهر بعد وصول الملك محمد السادس الى الحكم. دابا عندو 19 عام وشي اشهر.
دار الرئيس المدير العام فامور كثيرة. منها انو خلى عدد لمغاربة كيشوفو قنوات اجنبية بسباب شبكة برامج لا علاقة. وما يمكنش يكون الكلام على جيل جديد مع شخص بحال هادا. زيد عليهم سميرة سيطايل اللي طولات بزاف بزاف بزاف فمنصبها وعطاوها نيابة الادارة العامة ل”دوزيم”.
الاعلام كولو خاصو يتضمس. حقاش حلقة ضعيفة بزاف للدولة. طريقة متخلفة فالتواصل مع الشعب دايرها هاد الاعلام.
مادام لعرايشي فهاداك المنصب ما كايناش رغبة فالدولة باش دير تغيير. تجيب وجود جديدة
