عفراء علوي محمدي- كود//

المغرب غدي يعزز الأسطول ديالو الحربي ب24 “هيليكوبتير” من نوع “بوينكَ AH64E”، والمغرب غيتسلمها ف2024 منبعد ما يتكمل الصنع ديالها.

وحسب بلاغ لشركة “بوينكَ” الأمريكية، فالمغرب وقع بشكل رسمي عقد باش يحصل على هذ “المروحيات”، مع إمكانية يزيد المغرب 12 أليكوبتير حربية جديدة.

وبالإضافة لهذشي، غيتم تجهيز قاعدة جوية مخصصة لهذ المروحيات، كيف غيستفدو مجموعة من الطيارين المغاربة من دورات تكوينية لمدة عامين غتكون بين المغرب وميريكان.