كريم الشركي-كود///

وقفات سلطات عمالة تارودانت، لبارح الاثنين، عرس سري داروه منظميه ضدا فحالة الطوارئ لي مانعة الاعراس والحفلات.

وقالت مصادر محلية أن العرس لي جابو ليه تريتور هو خو المقدم، تندم فجماعة سيدي بورجا، وماكانتش السلطات غاتجي كون ما تم الاتصال بالعمالة من طرف مواطنين لي بلغوا بوجود موسيقى وحركة غير عادية فالبيت لي فيه العرس.

وانتقلت لجنة من العمالة، لي لقات العراس وفيه عشرات المدعوين، حيث اوقفت الاحتفالات ودارت محضر فالنازلة غايدوز للنيابة العامة باش دير اجراءاتها.