وكالات-كود//

الفنانة الإماراتية أحلام قمعات مدير أعمالها في تويتر بعدما دوا على ألبومها الجديد.

القصة بدات ملي جاوب مدير أعمالها نايف اليوسف واحد من المعجبين ديالها، وقال أن ألبوم أحلام مازال معطل.

المغنية الإماراتية معطلاتوش، وكتبات ليه “قلت مليار مرة حتى واحد معندو الحق يدوي على ألبومي من غيري. وألبومي ملي غادي يكون واجد 100٪؜ غادي نخرجو”.

وبزاف ديال المعلقين قالو أن أحلام كان ممكن تدوي مع مدير أعمالها بينها وبينو بلاما تقمعو وتحرجو قدام الناس. لكن المغنية الإماراتية معروفة بقوة شخصيتها ومكتعطلش باش تجاوب.