وكالات-كود//

شركة “Mattel” الميريكانية، المعروفة بإنتاجها لمونيكات “باربي” الشهيرة، بدات كتصوب مونيكات جداد عندهم صفات الراجل والمرا.

وقالت الشركة ان قرار إنتاج مونيكات ماعندهمش هوية محددة هو لتلبية رغبة الدراري صغار باش يعبرو على أنفسهم بحرية.

المسؤولة في الشركة، كيم كولمون، قالت أن تشكيلة هاد المونيكات الجديدة فيها 6 نماذج تجمع صفات جسدية وحدة ديال الرجال ووحدة ديال النساء، وأكدات أن الأطفال مابقاوش باغين ألعابهم يخضعو لمعايير الجنس.

وكانت “Mattel” حاولت في السنوات الأخيرة الدفاع عن نفسها من اتهامات بـ “التحيز الجنسي للعيالات” و”ترويج معايير جمال غير واقعية” عبر مونيكات “باربي”.