الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف
وكالات //
كشف الرئيس المريكاني السابق ، باراك أوباما، على لاليست ديال الأغاني اللي كيتصنت ليهم فهاد الصيف، فيها أغاني ديال بيونسي، وهاري ستايستايلز.
وبينات لاليست أوباما لأغاني صيف 2022، اللي نشرها فالكونط ديالو أوفيسيال على “تويتر”، بللي كيسمع لبزاف ديال الأنماط موسيقية.
وكاينة مثلا فلاليست أغنية بيونسي اللخرة “Break my soul”، وأغنية هاري ستايلز “Music for a sushi restaurant”، وأغنية باد باني “Ojitos Lindos” مع بومبا استيريو.
وكاينة أيضا حتى الأغاني الكلاسيكية، بحال أغنية “Dancing in the dark” لـبروس سبرينكَسيتين، وأغنية “Let’s go crazy” لبرينس، و”Blue In Green” لمايلس دايفيس.
وكتب أوباما فتغريدة بللي لاليست اللي نشر فيها الأغاني اللي سمع ليها مؤخرا، وقال أيضا بللي كيكون متحمس كل عام ينشر الپلاي ليست ديالو، واكد على أنه كيتعرف على فنانين جداد بفضل التعليقات ديال الناس، وزاد قال بللي هذا مثال على أن الموسيقى كتجمع الناس كاملين.
Every year, I get excited to share my summer playlist because I learn about so many new artists from your replies—it’s an example of how music really can bring us all together.
Here’s what I’ve been listening to this summer. What songs would you add? pic.twitter.com/9OgPq0SRy4
— Barack Obama (@BarackObama) July 26, 2022