أيوب الطنطاوي -كود- عن يورونيوز

—

الروهينغا هي جماعة عرقية مسلمة عاشت لقرون “فمينمار” الي الغالبية ديالها بوذية ،وكيتواجد منهم حاليا نحو 1.1 مليون مسلم روهينغي كيعيشو “فمينمار” الي كاينة فجنوب شرق أسيا.
المسلمين ديال الروهينغا كيتكلمو باللغة الروهينغية وهي لغة كتختالف تماما على باقي اللغات الي كيستخدمو فولاية “راخين” وباقي أرجاء “مينمار”
ومعظم الروهينغا كيعيشو فمينمار وبالضبط فولاية راخين الي كتواجد على مستوى الساحل الغربي ديال مينمار وللأسف مكيسمحوش ليهم بأنهم يخرجو بدون إذن من الحكومة وهاد راخين كتعتابر من أفقر الولايات فالبلاد .
ومينمار كتتعرض لإتهامات من جماعات حقوقية كتتاهمها بإرتكاب جرائم تطهير عرقي وإنتهاكات لحقوق الإنسان من أيامات إندلاع العنف بين المسلمين والبوذيين فولاية راخين والي تسبب فموجة نزوح جماعي لنحو 400 ألف من المسلمين الروهينغيين للجنوب اي جهة بنغلاديش ، وكتتاهمهوم بقتل 400 شخص على الأقل وإحراق ألاف الديور والقرى من نهار هجم الجيش هجوم مضاد على شي متمردين من مسلمي الروهينغا كانو إختارو أسلوب العنف تاهوما فأواخر غشت الماضي .