الرئيسية > آراء > ايلى فرقنا فلوس الفوسفاط كل واحد تجيه فالشهر: 12.5 درهم للشهر
04/11/2019 11:22 آراء

ايلى فرقنا فلوس الفوسفاط كل واحد تجيه فالشهر: 12.5 درهم للشهر

ايلى فرقنا فلوس الفوسفاط كل واحد تجيه فالشهر: 12.5 درهم للشهر

مروان العلوي محرزي//

أول حاجة غادي نديرها من بعد ما نشد منصب رئيس حكومة المغرب

هي نعطي لكل واحد حقو في الفوسفاط.

الأرباح الصافية ديال OCP في 2018 بعد ما كتنقص كلفة الإنتاج هي 562.79 مليون دولار في 2018 حسب موقع رويترز.

يعني بما أن عدد سكان المغرب هو 35.74 مليون ف غادي تجي لكل واحد فينا 15.7 دولار للعام أي 150 درهم

لي هي 12.5 درهم للشهر.

المهم ما تسالو لي كرئيس حكومة غير تجيكم قهوة قهوة للواحد كل شهر (في حي شعبي ما شي في أكدال) ،
غير بنادم ما يبقاش يفرع لي راسي ببغيت حقي من الفوسفاط ونعيشو هانيين

الهدف من هاد الهدرة ، هو بنادم يعرف أن رأس مال هاد البلاد هي الناس لي فيه وما شي جوج بحور و الفوسفاط لي كيتباع بجوج دريال،
أما إذا جينا للثروات الأرضية، غير الجزائر وأكثر منا ب 11 مرة في مدخول الموارد الطبيعية

وهديك 3.5 مليار دولار لي كنصدرو كل عام، غادي يخصك تخلص 3 ديال المرات باش تشري النفط و الغاز

وكل عام العجز التجاري كيتزد والمغرب كيزيد يغرق ف الديون ( الواردات الـ50 مليار دولار، الصادرات 28.8 مليار دولار)


بنادم عندو واحد النظرة طفولية للدولة و كيصحاب ليه غادية ب الهوا ، خصوصا بنادم لي كيتسنا باه أو مو يخلصو ليه القهوة ديالو ويدورو معه وهو عندو أكثر من 30 عام،

فكيتسنا الدولة ترضعو وتوكلو وتشري ليه الكارو و تعطيه خدمة فشي بلدية، وهادشي كيغطي على المطالب ديال بصح لي تقدر تنفع المواطن.


وي وكاين الفساد و سوء تدبير كبير وكاين اختلاسات، لكن الحل ديال هادشي ما شي بغينا حقنا من الفوسفاط، والشعارات الغبية،

الحل هو ديمقراطية ديال بصح، و ناس جداد يطلعو ب Governance جديدة مبنية على تعليم مزيان و خطة باش يحركو الإقتصاد لي خاص يكون إقتصاد حر ديال بصح

أما ما حد بنادم معشش ليه العنكبوت في دماغو، والجهل والإتكالية طاغية على تفكير الأغلبية،
ف وخا يفرقو عليك الفوسفاط ديال المغرب والبترول ديال السعودية والغاز ديال إيران وزيت أركان ديال سوس، والله لا طفرتيه

https://m.facebook.com/marouane53

موضوعات أخرى

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه