هند لكلاوي كود ////

كما سبق ونشرت “كود” البارح على زيارة الاميرة لالة سلمى رئيسة مؤسسة لالة سلمى لمحاربة السرطان الى ضواحي بني ملال لمركز الانكلوجيا بجهة خريبكة بني ملال خنيفرة. وفق مصدر ل”كود؛ فان الاميرة دوزات جوج سوايع فهاد المركز اللي فمركز الراديوغرافيا الات حديثة جدا واخر جيل فتشخيص ومعالجة السرطان كما زارت مركز الشيميوتيرابي اللي وجدات ليه المؤسسة ديالها كذلك عدد كبير من الاسرة

الاميرة كانت صارمة وفق مصدر “كود” وسولات على الشادة والفادة

هاد الزيارة هي اول نشاط للاميرة اللي جات مع شي افراد من عائلتها وشي وحدين من المؤسسة٬ بعد غيبة دامت اشهر. الاميرة كانت متحمسة بزاف يقول احد الحضور ل”كود” خلال هاد الزيارة