كود – وكالات//
وزير التجارة الجزائري كمال رزيق، قال البارح السبت أن مصالحو اتخذت قرار بمنع بيع زيت المائدة للقاصرين اللي عمرهم قل من 18 لعام.
وعلل الوزير هاد القرار المثير للجدل، للحد من المضاربة فهاد المادة، وقال: “المضاربين كيستغلو القاصرين باش يشريو كميات كبيرة من الزيت”.
ومازال الجزائر كتعيش موجة ديال الغلى فأسعار السلعة والمنتجات، وسط تحذيرات من انهيار القدرة الشرائية ديال الجزائرين.
وعرفات مواقع التواصل الاجتماعي فالجزائر، موجة سخرية كبيرة، بعد قرار منع بيع الزيت للقاصرين.
