لمدينة شاعلة بسباب هاد الامطار الطوفانية. بنادم كيعاني ولالة بنت الكوميسار اوعشي دايرة الفيجطا. دابا هاديك السلطات اللي خدامة ليل ونهار وكتخسر فلوس كثيرة كيفاش كيحسو ناسها وبنت اوعشي منظمة نشاط فالسورف والرياضات البحرية الاخرى؟ راه مشكلة كبيرة
هاد شي حمق الناس بالداخلة مرجانات خاوية ماعندها علاقة بالصحراء ولا بالصحراويين وكاتتروج لشعارات رنانة السياحة والبنيات التحتية للي ماكيناش اصلا.
ناس الصحرا غوتو واحتجو على هاد النوع من الانشطة وما داها فيهم حد. انشطة ما عندها علاقة لا بالسكان لا بالعقلية ديال المنطقة لا عندها دور فالدفاع على مصالح المغرب الاستراتيجية.
اللي كيربح منها هي ومشاريعها. هي وهاداك الرجل القوي جدا فالداخلة اسمو السنوسي اللي عندو بزافت لوطيلات.
راه الصيادة خسرو مراكبهم مع هاد العواصف اللي ضربات الداخلة وجزر الكاناري. راه السكان عاناو. حشومة الجهة ولا الجماعة تساهم بدرهم فهاد النشاط وناس التراب كيعانيو