كود هناء ابو علي /////

مصطفى التراب الباطرون ديال المجمع الشريف للفوسفاط باغي يدير امبراطورية اعلامية. حسب مصادر “كود” فان لجنة سداسية باشراف مباشر منه اعدت مشروعا لقناة تلفزيونية على الويب واذاعة ومواقع باللغات العربية والفرنسية والانجليزية. مصدر “كود” قال باللي هاد الشي لحد الان غادي يكون غير للي خدامين فالفوسفاط “كاين شي 36 الف شخص خدام فالفوسفاط وخاص وسيلة للتواصل. هاد الشي كلو داخلي”

غير مصدر اخر قال باللي هاد الشي غير مؤقت وباللي غادي يولي مفتوح للجميع.

المشروع كان جابو المدير السابق للتواصل والموارد البشرية جمال بلحرش اللي جراو عليه بالزربة. بلحرش جاب للاشراف على المشروع مصطفى ملوك اللي كان ف”دوزيم” وعندو اشراف على “كازا ميموار” ودارو طلبات عروض وكلشي كان جاهز للتوقيع شي نهار اثنين وهي تجي اقالة او ابعاد او استقالة بلحرش وتوقف المشروع.

دابا هاد الصيف وفق مصدر “كود” كلشي كان خدام عليه باش يكون جاهز فالقريب العاجل.