الرئيسية > آراء > انتهازية حزب الاستقلال. جماعات استقلالية كتفرق لگفاف بالعلالي وكيعطي الدروس فاستغلال الاحسان فالانتخابات
22/04/2021 16:15 آراء

انتهازية حزب الاستقلال. جماعات استقلالية كتفرق لگفاف بالعلالي وكيعطي الدروس فاستغلال الاحسان فالانتخابات

انتهازية حزب الاستقلال. جماعات استقلالية كتفرق لگفاف بالعلالي وكيعطي الدروس فاستغلال الاحسان فالانتخابات

احمد الطيب كود الرباط//

حزب الاستقلال عندو جوج وجوه، كيدير قرارات ويتخذ مواقف وموراه بمدة كيتناقض معه، شفناه ف قضية التوظيف بالتعاقد حيث كان اول حزب دخل هاد نظام التوظيف للمغرب، وموراها بسنوات قاليك هاد النظام خصو يتوقف وبلي دارتو حكومة بنكيران، كيكذبو على الرأي العام.

اليوم حزب الاستقلال عاود نفس الموقف، ف قضية استغلال العمل الاحساني قبل الانتخابات، وخرج كينتقد مؤسسة جود، رغم انه هو نفس الحزب اللي استغل الجائحة ودار حملة سابقة لاوانها ف عدد من الجماعات الترابية، والصور اسفله توضح كل شيء.

الاستقلال كيبين انه حزب كيقلد، حزب كيعاود نفس الهضرة اللي قال وهبي وقالها لشكر وقالها بيان المكتب السياسي للتقدم والاشتراكية. هادشي كيعني كاين اتفاق بين هادو يهاجمو تيار سياسي معين. وطبعا حنا فالمغرب كولشي كيعرف كيفاش كيتمو هاد الاتفاقات والتفاهمات.

الاستقلال معندوش جرأة يعلن شكون هاد الحزب ولا المؤسسة اللي كتستغل العمل الاحساني فالاتتخابات.

هاد الحزب شفناه كيفاش دافع على عمدة وجدة اللي متورط ف ملف اختلاس المال العام بحيث سبق واأصدرت محكمة جرائم الأموال بفاس، حكما بالسجن سنتين نافذتين في حق عمر حجيرة، البرلماني ورئيس الجماعة الحضرية لوجدة وسنة نافذة في حق عبد النبي بعيوي، الرئيس الحالي لمجلس جهة الشرق.

ماشي غير هو دافعو على بزاف عندهم ملفات سيئة، منهم ملف كازينو السعدي، وبلا ما نهضرو على فضايح شباط اللي رجع كيدير اللي بغا ف حزب، ومقدرش بركة يجمد ليه عضويتو ولا حيدو، حيث بركة مافيدوش سوارت الحزب، وكولشي عارف بلي حمد ولد الرشيد شاد التنظيم والحزب ومتحكم فيه مزيان.

ودعا الاستقلال الإدارة الترابية إلى ضبط وتأطير عمليات التضامن الإنساني والإشراف عليها، وتحصينها من كل التجاوزات أو التوظيفات الحزبية الضيقة، والزج بها في مسلسل الاستحقاقات الانتخابية القادمة.

الاستقلال اوضح باللي كاينا وقائع يتم فيها تسخير العمل الخيري والإحساني – وبأحجام كبيرة جدا وغير معتادة، في معترك التنافس السياسي، وإطلاق حملات انتخابية قبل أوانها، واستغلال حاجة المواطنات والمواطنين المتضررين من تداعيات الجائحة، بمنحهم “القفة الغذائية” المشروطة بالانتماء الحزبي.

وحذرت اللجنة التنفيذية لحزب الاستقلال، في بلاغ لها، توصلت به “كود”، من استغلال المعطيات الشخصية للمستفيدين من عمليات الدعم الغذائي لأغراض أخرى لا صلة لها بالعمل التضامني النبيل.

الاستقلال كيف كتبين هاد الوثائق اللي تنشرهم كود٬ خلى المجالس المنتخبة كتوزع بالعلالي المساعدات: ها انتوما شوفو

موضوعات أخرى

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر