نجوى المالحي -كود//
حنا المغاربة ديما كنتاقدو الحموضة والبسالة وفي الأخير كنلقاوها مقلزة في الطوندوس ديالنا.
هاد السيمانة فيديو ديال سارة أبوجاد شاد البلاصة الثالثة من حيث الفيديوهات الأكثر مشاهدة في المغرب. الفيديو بعنوان “مائدة رمضان.. يوم كامل معايا في رمضان – جاو دارنا فطرو معنا”، وموراه في البلاصة الرابعة وحدة اسمها “أسماء بيوتي” دايرة فيديو بعنوان “طبيلة متولة.. يوم كامل معي – سيكار مالح لزماني” وتشاف في نهار واحد تقريبا نص مليون مرة.
كيفاش كنحاربو الحموضة وهي شادة الطوندوس؟ واقيلة ماشي المغاربة لي كيتفرجو.
سؤال؟ امتى غادين نقاطعو الحموضة فعليا عوض الهضرة فقط ونتخباو باش نتفرجو في نفس الفيديوهات لي كنعيبو فيها علنا.
