19/03/2024 10:49
السياحة الداخلية فبلادنا سجلات كثر من 8.6 مليون ليلة مبيت فلوطيلات المصنفة.. عمور: السائح المغربي رجع كيحتل المرتبة الأولى قبل السائح الأجنبي
كود العيون ///
اللي وقع حدا الكركرات البارح السبت من اطلاق صواريخ من قبل البوليساريو كيدخل فرغبة هاد الناس يخلقو حرب دعائية اعلامية كتوهم الناس باللي كاينة حرب فالصحرا. هاد الهدرة قالها مسؤول مغربي لوكالة الانباء الفرنسية.
وفق نفس التصريح فان اللي وقع ما عطلتش حركة المرور.
واوضح ان الهجوم كيدخل ف”إطار حلقة من المضايقات المتواصلة منذ ثلاثة أشهر”٬ وتوقع باللي هاد الشي غيستمر شوية الوقت حقاش الهدف ديالو٬ يخلق “حرب دعائية وإعلامية بشأن وجود حرب في الصحراء”.
البارح كانت تسجيلات لشوافرية وتصريحات لمصادر من الكركرات اكدات باللي طاحو صواريخ قريبة من المنطقة. الوضع ما طوالش. بعد فترة قصيرة كلشي رجع كيف كان