عفراء علوي محمدي- كود//
اليوم الثلاثاء 27 يوليوز، حطمنا روكور جديد فعدد الإصابات اليومية بفيروس كورونا المستجد، منهار بان الوباء عندنا ف2 مارس 2020، بحيث تقاسو اليوم 6971 فأقل من 24 ساعة، وهذا رقم خطير وغير مسبوق.
وعدد الحالات المرتفع اليوم راجع كذلك لكون أن أزيد من 38 ألف واحد دار التيست اليوم.
وماتو اليوم 27 واحد ب”كوفيد-19″، و165 واحد دخل للإنعاش.
وهذي التفاصيل:
التلقيح:
اليوم تلقحو 459035 بالجرعة الأولى، وصلنا ل12520195 واحد فالمجموع، بينما تلقحو 59300 بالجرعة الثانية، ووصلنا بهذشي ل9924212 ملقح بشكل كامل فالمجموع.
الإصابات:
وتقاسو اليوم 6971 واحد من أصل 38273 واحد دار التحليلة، ووصل عدد المصابين فالمجموع ل588448.
ومؤشر الإصابة التراكمي وصل ل1615,8 لكل 100 ألف نسمة، بمعدل إصابة ديال 19 لكل 100 ألف نسمة فهذ 24 ساعة.
حالات الشفاء:
تشافاو اليوم 2823، ووصل الإجمالي ل546426، بنسبة تعافي ديال 94 فالمية.
الوفيات:
اليوم ماتو 27، ووصل هكذا عدد الوفيات ل9638، بنسبة فتك 1,6 فالمية.
الحالات النشيطة والحرجة:
وعدد الحالات النشيطة طلع ل29694، وعدد الحالات الحرجة وصل ل746، 165 تدهورات غير اليوم، و20 تحت التنفس الصناعي الاختراقي.
ووصلات نسبة ملء أسرة الإنعاش ل23,6 فالمية.