نجوى المالحي-كود//
اليوتوبوز فاطمة الزهراء المعزي المعروفة بلقب “أم مهاب” خرجات من الحبس بعدما دوزات في سجن عكاشة شهراين بتهمة إهانة جدارمية وعدم الامتثال لهم.
وواخا خرجات من الحبس فاطمة الزهراء مازال مقاطعة مواقع التواصل الاجتماعي بشكل كلي وكتحاول تسترجع حياتها من بعد الحبس، دقة دقة.
السيدة تشدات شهر أكتوبر بعدما دارت لايف في انستكَرام هي وختها كيهددو فيه رجال الدرك الملكي، وصوروهم ومنعوهم يديرو خدمتهم وحبسو الطريق ودارو الشوهة، وختها هددات بأنها تنتحر بزيزوار.
فاطمة الزهراء لي عندها متابعين بزاف في صفحتها دارت لايف وقالت “دابا كاين 2000 واحد في اللايف بارطاجيو وحطوه في اليوتوب باش ناخد حقي”.