الرئيسية > آراء > الى كنا خدينا قرار ضد سفارة ألمانيا بسباب القضية الوطنية.. علاش تعطلنا فاش رفضات الاعتراف الأمريكي؟ وعلاش ما ناخدوهش ضد أستراليا لي دارت نفس التصرف؟
02/03/2021 08:00 آراء

الى كنا خدينا قرار ضد سفارة ألمانيا بسباب القضية الوطنية.. علاش تعطلنا فاش رفضات الاعتراف الأمريكي؟ وعلاش ما ناخدوهش ضد أستراليا لي دارت نفس التصرف؟

الى كنا خدينا قرار ضد سفارة ألمانيا بسباب القضية الوطنية.. علاش تعطلنا فاش رفضات الاعتراف الأمريكي؟ وعلاش ما ناخدوهش ضد أستراليا لي دارت نفس التصرف؟

الوالي الزاز – گود – العيون //
[email protected]

وزارة الشؤون الخارجية قررات تقطع العلاقة مع سفارة ألمانيا فالرباط، وهادشي خلا السفير الألماني يخرج فتصريح لـ”گود” ويرجح أن هادشي يقدر يكون فقط “فايك نيوز”.

الكثير من الأسئلة تحطات بخصوص هاد القرار، وكاين بزاف ديال المتتبعين حطو تخمينات وأن الأمر يتعلق بالقضية الوطنية ومسألة رفع برلمان بريمن لراية جبهة البوليساريو، ولكن علاش هاد القرار، الى كان صحيح، ما دارش من بعد جلسة مجلس الأمن الدولي حول الصحرا لي انعاقدات بطلب من ألمانيا وبرئاسة جنوب أفريقيا ولي كانت دارت فيها مداخلة مالت فيها لصالح جبهة البوليساريو والجزائر ورفضات فيها قرار الولايات المتحدة الأمريكية القاضي بالإعتراف بمغربية الصحراء ودعاتها انها تاخذ قرار منصف لحل النزاع ولي هو طبعا بعيد على الحكم الذاتي لي داعماه الإدارة الأمريكية، بمعنى أن ألمانيا عبرات فهاد الجلسة أنها ضدنا وبشكل علني ومباشر و واضح.

سؤال آخر الى كان هاد القرار ديال وزارة الخارجية صحيح ومبني على الموقف من قضية الوحدة الترابية للمملكة، علاش ما تاخداتوش وزارة الخارجية ف حق أستراليا لي عندنا فيها سفير عيان بزاف من صحاب ناصر بوريطة؟ وهوما (الاستراليين) لي دارو نفس الإجراء وعلقو الراية ديال البوليساريو ف سيدني وميلبورن -شوف التصاور تحت المقال-، وكيديروها كل مرة ولسنوات هادي.

إذا صح ان وزارة الخارجية خدات موقفها من سفارة ألمانيا لأن بريمن علقات راية البوليساريو فراه نفس القرار خاص يتخاد ضد سفارة أستراليا، زايدون عطا اللـه باش يمكن ليك ترد على مواقف بلدان ومن بين هادشي مذكرة احتجاجية واستدعاء للسفير وغيرو وتبرمج حتى لقاء مع وزارة الخارجية الألمانية (ف هاد الحالة) وتبلغو الاستياء من القرار.

هادشي كلو ، إيلا صدق صحيح، ف راه وقعنا فيه بسباب مسألة واحدة فقط، وهي أنه عندنا دبلوماسيين ضعاف فألمانيا وأستراليا خاص إعادة النظر فيهم بآخرين يقدرو يديرو فارق ويخدمو بلادهم بنكران ذات ومسؤولية ويدافعو على الوحدة الترابية بإستماتة.

موضوعات أخرى

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا

28/03/2024 11:00

إدانة المحاميين د الرابور “ديدي” مداهمة الفيديراليون : زادو فيه وهذا” فخ”

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها