الرئيسية > آراء > الى كان فرج فودة وحسين مروة ومهدي عامل ومعطوب الوناس والشاب حسني تقتلو من طرف الإسلاميين على ود أفكارهم، أنا غادي يقتلوني بتحريض من غلام أبو النعيم غير على بيدو ديال الزيت
03/03/2021 19:00 آراء

الى كان فرج فودة وحسين مروة ومهدي عامل ومعطوب الوناس والشاب حسني تقتلو من طرف الإسلاميين على ود أفكارهم، أنا غادي يقتلوني بتحريض من غلام أبو النعيم غير على بيدو ديال الزيت

الى كان فرج فودة وحسين مروة ومهدي عامل ومعطوب الوناس والشاب حسني تقتلو من طرف الإسلاميين على ود أفكارهم، أنا غادي يقتلوني بتحريض من غلام أبو النعيم غير على بيدو ديال الزيت

محمد سقراط شهيد زيت نوار الشمس المتقبلي- كود///

الى كان فرج فودة وحسين مروة ومهدي عامل ومعطوب الوناس والشاب حسني تقتلو من طرف الإسلاميين على ود أفكارهم، أنا غادي يقتلوني بتحريض من غلام أبو النعيم غير على بيدو ديال الزيت، خايبة حتى لمعاودة هو أن  المهاجمة ديالي من طرف شبيه عبد الكريم ديال بانواس ماشي على ود الأفكار ديالي أو المعتقد أو الموقف أو أي حاجة لي تقدر تخلد الذكرى ديال إغتيالي عند المثقفين والأجيال الجايا، بل فقط لأنني تخندقت رفقة بيدو ديال الزيت خمسة يطرو والشركات المتغطرسة، وبت مكروها عند شفانجية وصحاب شركة ديال السردين مقلية وكاع لي كيخدمو بالزيت، وبالخصوص عند صفحات صحاب خودنجال، لي باغين يقاطعو أي حاجة معندهمش فيها الربح، وكيفرحو فاش كيتكدمو المغاربة من أجل محاربة شي واحد غير حيت لاباس عليه.

للأسف لحد الآن أنا كنعيش بلا حماية كنت كنتوقع من بعد تهديد غلام أبو النعيم لي بالقتل فراه البوليس غادي يكونو واقفين في الباب شادين العسة مخافة نتعرض لشي عملية جز الرأس بجنوية ديال لاماكوم من طرف شي واحد من أعداء الزيت وأنصار زيت أركان وأملو لي داير ليهم غلام أبو النعيم معمل في الدراركة ومقر الشركة في العيون باش يتهرب من الضريبة والمراقبة وشوف آش واحد آخر، ربما كاع راه كيعتابر الدولة كافرة مارقة ومقاطعها ومكيخلسش ليها الضريبة وكيتمنى يبدى يعطي العشور لديوان الحسبة بالرقة، ولكن لحد الآن أنا بدون حماية معايا رضاة الواليدين فقط، حتى من الشركة ديال الزيت لي دافعت عليها فابور أنطلاقا من غيرتي على الشركات الوطنية وحسن نيتي فيها وفي أنها غير مسؤولة بشكل فردي على هاد الزيادة في الزيت وأن الأمر متعلق بالبورصة ديال الزريعة، ومع ذلك ماسيفطوش ليا الحماية على حسابهم واخا أنا مهدد أنني نفقد حياتي على ود الدفاع عليهم، ماعقلوش عليا حتى بخامسة ديال الزيت نقليو بيها غير بطاطا ديال كيكو كتجي مليحة في الفريت.

مشيت عند البوليس ودرت شكاية عند النيابة العامة وهاني علمت الشركة ديال الزيت بهاد المقال باش كولشي يكون في خبارو أنني تكفرت  وتم هدر دمي على ود دفاعي على الزيت ،وتم إتهامي بالإلحاد وأنا أكثر الناس إيمانا بان الزيت ديال أيت عتاب المطحونة مع الحامض مكاينش بحالها، الصراحة بقا فيا الحال سنوات ديال الكتابة ومحاربة الفكر الظلامي بظلام الشعبوية، وفي اللخر يتم هدر دمي على بيدو ديال الزيت، في اللخر طلعات معركة بلا مجد غير ميدمة بحال وجه غلام أبو النعيم.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا