كود: الداخلة//

لا حديث هذه الأيام بالداخلة إلا عن الوكالة الحضرية اللي ما عندها مدير هادي مدة طويلة، الأمر اللي خلى بعض الموظفين يديرو ما بغاو، وفيهم اللي 20 سنة وهو فنفس المهمة وكون كان غير محمرين لوجه، المشكل هي العرقلة ولبلوكاج.

بعض المستثمرين وفي اتصال مع “كود” طلبو تدخل وزيرة التعمير ووزير الداخلية، لأن الريحة عطات بزاف فهاد الإدارة كلشي كيتشكى، ومصالح المواطنين معطلة حسب تصريحاتهم.

ونظرا للدور الهام للوكالة الحضرية وعلاقتها الوطيدة بالتنمية، فهاد الوضعية الحالية ضرت بزاف بالدينامية اللي كتعرفها مدينة الداخلة على كافة الأصعدة، وعطلت بزاف ديال المشاريع والاستثمارات.

ولعل من بين أبرز الانعكاسات السلبية للمشاكل الي خلقوها موظفي الوكالة الحضرية بالداخلة هي تقلص الوعاء العقاري، وبالتالي عدم مواكبة الطلب للعرض، مما أدى لارتفاع سعر العقار بالمدينة سواء البيع والشراء أو الكراء، فالداخلة اليوم أغلى من الدار البيضاء والرباط إلى لقيتي أصلا.

هاذ الشي للأسف ما كيفرحش وكيعرقل المشروع التنموي بالمنطقة للي علن عليه سيدنا سنة 2016، ومعول عليه يهز بالجهة باش تكون بوابة حقيقية للمملكة على إفريقيا .