عفراء علوي محمدي- كود//

علنات وزارة الصحة على تسجيل 295 إصابة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع لـ11633.

وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة طنجة تطوان الحسيمة هي اللي سجلات أكبر عدد ديال الحالات (165)، بعدها جهة الدار البيضاء سطات ب69 حالة، ثم جهة مراكش آسفي ب25، وفاس مكناس ب16 حالة، وجهة العيون الساقية الحمرا ب8 حالات، والرباط سلا القنيطرة ب7، ثم جهة بني ملال خنيفرة سجلات 4 حالات، بينما الجهات الأخرى ماسجلات حتى حالة.

وتسجلات 156 حالة شفاء اليوم، ووصل المجموع لـ8656، بنسبة تعافي د74,4 فالمية.

وتسجلات وفاة وحدة، ووصل العدد فالمجموع لـ218 وفاة، أي بنسبة إماتة د1,9 فالمية.

وارتفع عدد المصابين اللي مازال كيتلقاو العلاج لـ2759، منهم 20 حالة فالإنعاش.

بالنسبة للمخالطين، وصل العدد ديالهم لـ63508، مازال منهم 8166 تحت المراقبة.

ووصل مجموع الحالات المستبعدة لـ608802 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية: