اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي
عفراء علوي محمدي- كود//
علنات وزارة الصحة على تسجيل 226 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع لـ9839.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة الرباط سلا القنيطرة هي اللي سجلات أكبر عدد ديال الحالات (156)، أغلبها كيتعلق ببؤرة تجميد الفواكه الحمراء فمنطقة لالة ميمونة فإقليم القنيطرة.
بالنسبة للجهات الأخرى، سجلات طنجة تطوان 28 حالة، كازا سطات 21 حالة، فاس مكناس 11 حالة، جهة مراكش آسفي 6 حالات، و4 حالات فجهة كَلميم وادنون، بينما باقي الجهات ماسجلات حتى إصابة.
وتسجلات 106 حالة شفاء اليوم، ووصل المجموع لـ8223، بنسبة تعافي د83,6 فالمية.
وما تسجلات حتى حالة وفاة ، واستقر الطوطال فـ213، بنسبة إماتة د2,2 فالمية.
وارتفع عدد المصابين اللي مازال كيتلقاو العلاج لـ1403.
وبالنسبة للمخالطين، الوزارة تبعات من نهار بان الوباء 53813 حالة، منها 5656 باقة قيد التتبع.
ووصل مجموع الحالات المستبعدة لـ512327 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: