كود الرباط//

وزيرة الاقتصاد والمالية نادية فتاح العلوي، وضحات بلي الكلام لي قالت فالبرلمان حول الحكومات السابقة وبأن بلادنا لم تحرز تقدما بوتيرة جيدة ف 10 سنين الأخيرة (حكومتي العدالة والتنمية)، (وضحات) بلي حزبها مشارك فديك الحكومة ولكن مكاينش رؤية جماعية ومكاينش قيادة جماعية موحدة.

الوزيرة فتاح العلوي قالت بلي مكاينش الالتقائية بين القطاعات ف الحكومات السابقة، وهادشي ضيع بزاف ديال الفرص والعمل على بلادنا، مضفية: “بالنسبة  للقطاعات اللي شد الأحرار خدمنا بالعقول وسط الأزمة”.

من التبريرات اللي عطات فتاح على كلامها، هو أنه مكاينش تعامل مزيان مع الشركاء خارج الحكومة، مؤكدة أن التشكيلة الحكومية الجديدة غادي تعامل أفضل مع باقي الشركاء  وغانديرو  الأفضل “.

زمن الأمور اللي جات الحكومة تصلحها، هو تخفيض العجز ف الميزانية بحيث وصل السنة الماضية 6.2 في المائة وخفضاتو ل 5.9 في المائة فمشروع ميزانية 2022.

وقالت نادية فتاح العلوي بلي الحكومة غاتخذم  باش نوصلو لنمو اقتصادي مهم باش نرجعو التوازن المالي، واهم حاجة هي إنعاش الاقتصاد الوطني.