كود سبور//

كيواصل فريق الوداد الرياضي الاستعدادات ديالو لاستئناف البطولة الاحترافية، فمدينة أكادير ولعب ماتش ودي اليوم الأربعاء ضد فريق أولمبيك الدشيرة المنتمي للقسم الوطني الثاني.

الوداد ربحو الدشيرة بنتيجة 4 الأهداف مقابل 2، وسجل الأهداف ديال الحمرا كل من جونيور صامبو، وعماد خنوس، وإسماعيل المترجي، وصلاح الدين بنيشو.

ومنح الطاقم التقني ديال الوداد الرياضي اللي فيه المدربين المساعدين مصطفى الخلفي ومحمد العلوي الإسماعيلي، الفرصة لجميع اللعابا ديال الحمرا فالماتش ضد أولمبيك الدشيرة باش يرجعو للتنافسية ويبينو الإمكانيات اللي عندهم.

للإشارة فالوداد الرياضي دخل من الاثنين اللي فات فمعسكر بمدينة أكادير وكيوجدو لاستئناف البطولة الاحترافية، تحت إشراف مصطفى الخلفي ومحمد العلوي الإسماعيلي، فانتظار يتعاقد الفريق مع مدرب جديد بعد الانفصال عن الحسين عموتة.