كود كازا ///

قصة الوداد مع الإصابات مبغاتش تسالي، غير كيصح ليهم لعاب كتصاب واحد آخر، هاد المرة تصاب صانع الألعاب وليد الكرتي، لمقدرش اكمل الماتش مع الكوكب المراكشي الأربعاء لفات، وخرج في الشوط الأول.

الكرتي بعدما دار الفحوصات بان أنه خاصو ثلاثة ديال السيمانات باش ارجع من الإصابة، داكشي علاش مغاديش العب الماتش ديال الإياب ضد الكوكب.

وغادي اثر ليه الغياب على المستوى ديالو، خصوصا أن الوداد كيوجدو للماتش الصعيب لغادي العبوه في عصبة الأبطال مع الفرقة ديال صان داونز من جنوب إفريقيا.

عموتة بعدما استرجع خدمات اللاعب الجديد ديالو محمد الناهيري، وبعدما الحداد حتى هو ولا مزيان ورجع من الاصابة، غادي القى راسو خوصو اشوف شكون ادخل بلاصت الكرتي في الماتش ديال اليوم ضد مراكش، في سطاد دونور، برسم الروتور ديال كأس العرش.