الرئيسية > كود سبور > الوداد سالا الاستعدادات لماتش شبيبة القبائل وها كيفاش دازت آخر حصة تدريبية
31/03/2023 22:00 كود سبور

الوداد سالا الاستعدادات لماتش شبيبة القبائل وها كيفاش دازت آخر حصة تدريبية

الوداد سالا الاستعدادات لماتش شبيبة القبائل وها كيفاش دازت آخر حصة تدريبية

كود سبور//

سالا الوداد الرياضي التحضيرات ديالو استعدادا لمواجهة فريق شبيبة القبائل الجزائري غدا السبت بملعب المركب الرياضي محمد الخامس بالدار البيضاء، برسم الجولة الأخيرة من عصبة أبطال إفريقيا.

الوداد الرياضي وتحت إشراف المدرب كارلوس غاريدو خاض آخر حصة تدريبية قبل ماتش شبيبة القبائل هذه الليلة فتيران بنجلون بكازا، عرفت الحصة التدريبية حضور جميع اللاعبين بمن فيهم العائدون من الإصابة الحسين بنعيادة وزهير المترجي وأيمن الحسوني وشاركوا في التدريبات الجماعية، ولكن أمين فرحان اللي راجع حتى هو من الإصابة تدرب غير بوحدو، وحسب المعلومة اللي كاينة فالمدرب كاريدو ما باغيش يغامر به فماتش غدا ضد شبيبة  القبائل ويخليه حتى للديربي  الرجاء الرياضي الأربعاء الجاي.

الأجواء كانت حماسية خلال تداريب الوداد الرياضي والمجموعة كلها مركزة واللاعبين كانوا ناشطين، وبالنسبة لحارس المرمى اللي غيكونوا فبلاصة رضا التكناوتي اللي موعت، فكل من يوسف المطيع وطه موريد ويانيس حنين واجدين ومتحمسين باش يدافعوا على مرمى الوداد الرياضي غدا ضد شبيبة القبائل ويساهموا في انتصار الفريق باش يتأهل إلى ربع النهائي وهو متصدر المجموعة 1.

وكيسعى الوداد الرياضي إلى تحقيق الرباح غدا السبت ضد شبيبة القبائل الجزائري ويحسم صدارة الكروب الأول، من بعدما حسم التأهل إلى ربع النهائي خلال الجولة الماضية من بعدما كان ربح فيتا كلوب الكونغولي خارج الميدان.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم