23/04/2024 12:44
صديقي أمام المؤتمر الوزاري لمبادرة تكييف الفلاحة الإفريقية مع التغيرات المناخية: خاص الخدمة لمواجهة أزمة المناخ اللي كتهدد الفلاحة
مصطفى الشاذلي – كود//
الوداد البيضاوي حقق الأهم بفوزو اليوم الاثنين على اولمبيك اسفي بجوج لواحد بملعب المسيرة يرسم الدورة 13 من منافسات البطولة الاحترافية.
اولمبيك أسفي كان هو اللي ماركا الأول عن طريق لاعبه أيوب الگعداوي في الشوط الاول، وكان بإمكان الفريق المسفيوي يزيد يماركي بعدما أتيحت له اهداف حقيقية.
الوداد البيضاوي تحسن أداؤه في الشوط الثاني، الشيء اللي خلاه يماركي التعادل عن طريق اللاعب الكونگولي كاسانكو.
هاد اللاعب اللي كيتعتبر ربح للوداد البيضاوي في الميركاتو الشتوي، زاد ماركا الثاني وكان قريب يزيد الثالث.
لكن هاد البيت غادي يجبد الصداع، وربما ينوض النحل على اللجنة المركزية للتحكيم، لحقاش الهدف الثاني، اللي تماركا مشكوك في مشروعيته، وان كاسونگو كان متقدم شوية على المدافعين.
وما شي بعيد يراسل اولمبيك أسفي الجامعة باش يحتج حتى هو على التحكيم، بحال الرجاء البيضاوي ورجاء بني ملال وقراقي آخرين. اللجنة المركزية للتحكيم غاتدوز هاد السيمانة كحلة، بسبب الاحتجاجات على حكامها.
وبهاد الفوز خطف الوداد البيضاوي الصدارة من نهضة بركان، بعدما رفع رصيده إلى 29 نقطة بفارق نقطة واحدة عن الفريق البركاني.
