نجوى المالحي-كود//
الهام العرباوي Aka إيلي خرجات البارح الخميس فيديو كليب أغنيتها الجديدة لي دارتها فيتورينكْ مع المغني A. Jey. وسميتها Broken.
وباش تخدم الأغنية مزيان خلاتها هي الوحيدة فالمونط انستكرام ديالها لي عندها فيه كثر من 700 ألف واحد. وحطات مقاطع منها.
الاصدار دارتو بنت المغني الشعبي عبد العزيز الستاتي من قسم المستعجلات بعدما مرضات، وحطات تصويرة يدها في سبيطار دايرة سيروم.
وواخا المرض بقات ايلي عند كلمتها وحطات الجديد لي كانت واعدات الجمهور ديالها أنه غادي يكون نهار الخميس.
