نجوى المالحي-كود//

كل مرة الرابورة الهام العرباوي المشهورة ب”ايلي” كتعرض للنصب والشفرة من الناس لي دايرين بيها.

فبعدما شفر ليها صديقها لاشين يوتوب، هاد المرة صحاباتها لي مكيتفارقوش معاها شفرو ليها التلفون.

وقالت الهام بنت المغني الشعبي عبد العزيز الستاتي أن التلفون فيه خدمتها كاملة. وكتبات في بوسط ديال انستكَرام “مكانش يصحب لي أن صحاباتي ديال بصح غادي يشفروني. هاد المرة ماغانسكتش، سكت بزاف على حقي، وصبرت، لكن باش تديو ليا تيليفون فيه خدمتي ومشاريعي كاملين حشومة والله”.

وأضافت ” ما كاين لا صحابات لا والو، كاين غير راسي يا راسي، ولكن القانون كاين وكاع هذوك لي كانوا معايا اليوم وقراو ليا البلان، القانون كاين فالبلاد وغادي نشوفو شكون لي داه”.

وعلنات ايلي قبل 3 أيام أنها غادي تخرج أغنية جديدة على شكل ديو.