للمرة الثانية فيومين.. الخارجية الروسية استقبلات سفير الدزاير وهدرو على نزاع الصحرا
كود- عن إيلاف//
عرض رئيس الوزراء البريطاني بوريس جونسون خطتو لرفع آخر القيود الصحية فالنكَليز، ودعى البريطانيين لتعلم كيفية التعايش والتأقل مع كورونا، بحال الى كان مجرد “إنفلونزا”.
وقال جونسون أن حملة التلقيح نجحات، وزاد: “غنعلنو على الطريقة اللي غنرجعو فيها الحريات”.
لكن دعا جونسون للحذر فنفس الوقت، واكد ان الوباء ماسالاش، وخاص الناس يردو البال.
وواخا تزادت الإصابات بالمتحور البريطاني، تدار لبارح فالعشية مؤتمر صحافي، قدم فيه وزير الصحة البريطاني، ساجد جاويد، كلمة على إجراءات نزع القيود، من بينها التخلي على إجبارية الكمامة فالأماكن العامة.
وكان من المقرر ترفع القيود ف21 يونيو، لكن الموعد تأجل بشهر بسباب انتشار السلالة شديدة العدوى، اللي كتمثل غالية الإصابات فالمملكة المتحدة، ووصل عدد الإصابات بيها ل30 ألف فالأيام اللي دازت.
وبريطانيا خرجات بشكل تدريجي من الإغلاق الثالث فالشتا، مع إعادة فتح الريسطورات والحوانت غير الأساسية والأماكن الثقافية، لكن بعض القيود بقات سارية بحال العمل عن بعد وإغلاق الملاهي الليلية وحظر التجمعات الكبرى ذات السعة الكاملة.
بحسب داونينكَ ستريت، فالمعطيات الأخيرة كتشير لان الإصابات غتبقى طالعة مع رفع القيود، “لكن نسبة دخول المستشفيات والوفيات تراجعات” بسباب التلقيح.
وحملة التلقيح، اللي بدات فبريطانيا من دجنبر اللي فات، تعطات فيها جوج جرع من اللقاح ل64 فالمية، وجرعة ل86 فالمية.
ومنذ أيام لمحات الحكومة لانها غتخلي الأمور لحكمة البريطانيين بالنسبة للكمامة.