الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط
مصطفى الشاذلي – كود سبور//
سعيد الناصيري، رئيس الوداد والمنتخب رئيسا للعصبة الاحترافية لكرة القدم كاع ما صوقش لجواد الزيات، رئيس الجامعة والكاتب العام ديالو، لي اعترضت على الرئاسة ديالو.
الناصيري بعد انتخابو قال للصحافيين “ماشي مشكل منين ما صوتاتش عليا الرجاء. أنا رئيس لصوت عليا ولما صوتش عليا. رآه كاين رؤساء أندية محضروش الجمع العام. انا رئيس الجميع، وغادي نكون في خدمة الجميع باش نطورو الكرة المغربية والرجا معانا في المنظونة”.
سعيد الناصيري بان واثق من نفسو بعد انتخابو واعطى تصريحات مقتضبة باش ما يتصيدش في ديكلارسيون تقدر تضر بيه كرئيس منتخب.
تكلم الناصيري المنتخب لولاية ثانية على برنامج العصبة الاحترافية وكال إنه سيعمل على تفعيل كل الأوراش والإصلاح بدء بمسألة تفعيل الاستقلالية.
هاد الاستقلالية أكد الناصيري بخصوصها، أن العصبة الاحترافية غادي تستقل رسميا اليوم عن الجامعة بعد توقيع بروتوكول الاتفاقية مع فوزي لقجع رئيس الجامعة “غادي تكون عندنا الاستقلالية في كل شيء ونحن لي غادي ندبروا امورنا بعيدا عن المكتب المديري للجامعة”.