غادي تنطلق من السعودية.. شركة كتعلن عن تنظيم رحلة للفضاء وماغاديش ثيق شحال خاصك تخلص باش تمشي معاهم
مصطفى المزابي -گود سطات //
كيعيشو ساكنة سطات من لبارح على وقع العطش ملقاو لا باش يدوشو ولا باش يغسلو وجاهم والو الماء مكينش في الروبينيات وتاشي مسؤول ما تكلم على هاد الشي واخا العطش أزمة مقودة وصعيبة وتقدر تنوض الصداع والاحتجاج.
وفي هذا السياق فان جمعية النخيل لي هي جمعية مدنية خرجات بيان قالت فيه انه النهار كامل وهما كيتسناو الماء لي تقطع بشكل مفاجئ ومزال مقطوع لدابا، بحيث اجتمع مكتب الجمعية وقال على ان المشكل يقدر يعصف بگاع المجهودات من بينها مجهود العامل.
وسجلات الجمعية في بلاغ ديالها لي تتوفر ” كود ” على نسخة منه عن امتعاض من التصرف من المسؤولين على هاد القطاع بلاما يخبرو الساكنة وكانهم بهايم وخصهم يبقاو يديرو الاحتياط راه الناس في هاد الحرارة كتستهلك الماء بزاف.
وطالبات الجمعية من العامل ديال الاقليم باش يتدخل في هاد الموضوع .